गुरुकुलचं कार्य वाळवंटातल्या ओॲसिस सारखं आहे. प्रतिकुलतेतच माणूस कणखर बनतो आणि जीवन प्रवास अधिकाधिक फुलवत जातो. याचे उदाहरण म्हणजे गुरुकुल. उत्तम परंपरा सांभाळण्याचे कार्य गुरुकुल करत आहे. रंगमंचावरील संस्कार सुद्धा गुरुकुलने खूप अचूक घडवले आहेत. सध्याच्या ज्ञानदानाच्या कार्यपद्धती गुरुकुल रोल मॉडेलने शिक्षक घडवण्याचं काम करावं. ही काळाची गरज आहे

संत साहित्य जीवनाकडे पाहण्याची दृष्टी देते तसेच संतसाहित्यासारखे महत्त्वपूर्ण कार्य गुरुकुलच्या विविध उपक्रमातून घडत आहे.पुरस्कारांसाठी निवडलेली प्रत्येक व्यक्ती, ही खाणीतून निवडलेल्या हिऱ्यासारख्या आहेत. पुरस्कार विजेत्यांचे कार्य खूप मोठे आहे. मोराला खूप पिसे असतात पण त्यातलं सौंदर्य मोराला स्वतःला पाहता येत नाही. पण गुरुकुलकडे ते पाहण्याची दृष्टी आहे, म्हणूनच समाजातील ही आकर्षक मोरपीस गुरुकुलने या पुरस्कारासाठी निवडली आहेत.